ನಿನ್ನ ಪ್ರೀತಿಯ ಕಾಣಿಕೆ

ಕಣ್ಣಂಚಿನ ಕಂಬನಿ ತುಟಿಯಂಚಿನ ವಿಷಾದ
ಹ್ರದಯದಿ ಹೊತ್ತಿ ಉರಿಯುವ ಬೆಂಕಿ
ಎಲ್ಲಾ ನಿನ್ನ ಪ್ರೀತಿಯ ಕಾಣಿಕೆ

ಸುಮ್ಮನಿದ್ದ ನನ್ನಲ್ಲಿ ಕನಸುಗಳ ಚಿಗುರಿಸಿದವಳು ನೀನೆ
ಆನಂದ ಸಾಗರದಿ ತೇಲುತ್ತಿದ್ದ ನನ್ನ ಮುಳುಗಿಸಿದವಳು ನೀನೆ
ಭರವಸೆಯ ಭರಪೂರ ಹರಿಸಿ ಬದುಕು ಕಟ್ಟಿದವಳು ನೀನೆ
ಕಟ್ಟಿದ ಗೂಡನ್ನು ಒದ್ದು ನೆಲಸಮ ಮಾಡಿದವಳು ನೀನೆ

ನೀನೇಕೆ ಮುನಿಸಿಕೊಂಡು ಹೋದೆ ನನಗಂದು ತಿಳಿಯಲೇ ಇಲ್ಲ
ಮೂರ್ಖ ನಾನು ಸ್ವಾರ್ಥಕ್ಕೆ ನೀ ತೊಡಿಸಿದ್ದೆ ಪ್ರೀತಿ ಮುಖವಾಡ
ನಿನ್ನ ಹಗಲು ವೇಷದ ಆಟ ನನಗೇಕೋ ತಿಳಿಯಲೇ ಇಲ್ಲ
ಹಾಡು ಮರೆತ ಮೂಕ ಹಕ್ಕಿಯ ಯಾತನೆ ನನ್ನಲ್ಲಿಂದು

ಮರೆಯ ಬೇಕೆಂದರೂ ಹೇಗೆ ಮರಯಲೆ ನಾ ನಿನ್ನ
ಮೈ ಮೇಲಿನ ಮಚ್ಚೆ ಹಳೆ ಗಾಯದ ಗುರುತಿನಂತೆ ನೀನು
ಉತ್ತರ ಸಿಗದ ಪ್ರಶ್ನೆಗಳು ಕಾಡುವ ಅವಮಾನ
ಹುಸಿ ಕಾರಣ ಕೊಡಲಾದರು ಮತ್ತೊಮ್ಮೆ ಸಿಗುವೆಯಾ