ನನ್ನ ನೆನಪು

ನನ್ನ ಚಿತ್ರವನ್ನು ಕಣ್ಣಿನಿಂದ ಮರೆಮಾಚಿ
ಮನಸ್ಸಿನಿಂದ ಅಳಿಸಲಾಗದೆ ಒದ್ದಾಡುತ್ತಿರುವೆ
ನನಗೇಕೊ ಅಚಲವಾದ ನಂಬಿಕೆ
ನೀ ನನ್ನನ್ನೆಂದೂ ಮರೆಯಲಾರೆ

ಎಲ್ಲಿ ಹೋದರೂ ನನ್ನ ನೆನಪು ನಿನ್ನ ಕಾಡುತ್ತದೆ
ಒಮ್ಮೆ ಕಣ್ಣೀರಾಗಿ ಮತ್ತೊಮ್ಮೆ ಬಿಕ್ಕಳಿಕೆಯಾಗಿ
ನಾನು ಪ್ರೀತಿಯೆಂಬ ಎಣ್ಣೆ ಹಾಕಿ ಉರಿಸಿದ ಹಣತೆ
ನೀನೆಂದೂ ನಂದಿಸಲಾರೆ

ಮಾತಿನ ಮಧ್ಯೆ ನನ್ನ ಹೆಸರು ನುಸುಳಲು
ನಿನ್ನ ಹ್ರದಯ ವಿಲಿವಿಲಿ ಒದ್ದಾಡುತ್ತದೆ
ವಿವಶತೆಯ ಕಾರಣ ಏನೆಂದು ಕೇಳಿದರೆ
ನೀನೆಂದೂ ಹೇಳಲಾರೆ