ಹೊಸವರ್ಷದ ಶುಭಾಶಯಗಳು

ನಾನು ಬರೆಯುವುದ ನನಗೆಂದು, ಎದೆ ಭಾರ ಕಳೆಯಲೆಂದು. ಬಿಡುವು ಮಾಡಿಕೊಂಡು ಬಂದು ಓದುವ ನಿಮ್ಮ ಪ್ರೀತಿಗೆಂದು.
ಪೇಜ್ ಕೌಂಟರ್ ಹಾಕಿ ೩ ತಿಂಗಳಾಯ್ತು. ೪೦೦ ಮಂದಿ ನನ್ನ ಬ್ಲಾಗ್ ವೀಕ್ಷಿಸಿದ್ದಾರೆ. ಕೆಲವರು ಮೆಚ್ಚಿ ಪ್ರೋತ್ಸಾಹಿಸಿದ್ದಾರೆ. ಅದೇ ನನಗೆ ಸಿಕ್ಕಿದ ಸನ್ಮಾನ.
ಯಾಕೋ ಕವಿತೆಯಷ್ಟು ಸುಲಭವಾಗಿ ಲೇಖನ ಬರೆಯಲು ನನಗಾಗುವುದಿಲ್ಲ. ಆದರೂ ಬರೆಯುವ ಪ್ರಯತ್ನ. ಕಟ್ಟಿ ಕೊಂಡವಳಿಗೆ ಕೋಡಂಗಿ ಮುದ್ದೆಂಬಂತೆ ನಾವು ಬರೆದದ್ದು ನಮಗಮೂಲ್ಯ.
೨೦೧೦ ನಿಯಮಿತವಾಗಿ ಬರೆಯಬೇಕೆಂಬ ಸಂಕಲ್ಪ ಮಾಡಿಕೊಂಡಿದ್ದೇನೆ. ಹೊಸವರ್ಷ ಆಗಲೇ ಚಿರಪರಿಚಿತವಾಗಿದೆ. ೨೦೦೯ ನೆನಪುಗಳು ಜ್ಯೂರಿಚ್ ಚಳಿಯಂತೆ ಉಡುಪಿಯ ಸೆಖೆಯಂತೆ ಪ್ರಖರವಾಗಿ ಕಾಡುತ್ತಿದೆ.
ನಿಮಗೆಲ್ಲ ಹೊಸವರ್ಷ ಹೊಸತನ, ಹೊಸ ಅನುಭವ, ಹೊಸಕನಸುಗಳ ಮೂಟೆಯನ್ನು ಹೊತ್ತು ತರಲಿ.
ಪ್ರೀತಿಯಿಂದ
ಪ್ರಶಾಂತ